World's First Portal Publishing News in Hinglish

Vampanthiyo ke liye ‘Propaganda’ aur Desh-Bhakto ke liye ‘Garv’ Kyu hai URI: The Surgical Strike ki Sacchai?

Tearing a Movie even after it has raked in more than 150 crores

0 101

A HISTORY OF WARS

Vaise to desh mein 1962, 1965, 1971 aur 1999 (Kargil war) mein kayi baar jang ka mahol bana. Kabhi Pakistan toh kabhi China, maano padosi desh sab mil ke lage thay bharat ki barbaadi Mein.

Par Har baar Bhartiya Fauj deewar ban kar har goli ka jawaab seena thok ke deti aayi hai. Laazmi hai, jahan desh ki raksha kuch naujavaan kare, wahan unn jawaano ke liye kuch to yaadgaar rehna chahiye!

DEPICTION OF ARMY IN THE LAST DECADE OR TWO

Aisi hi yaade taaza kar dene waali Hindi films – Border, L.O.C Kargil, Lakshya, Paltan aur ityaadi humaare jawaano ka dhanyawaad karti hai, unhe salute karti hai. Par vivad ka jadd naa bani ye films, yaa to wo ‘keyboard warriors’ ke pehle aa ke jaa chuki, ya itni waah-waahi nahi le ski, jiske chalte ye aayi aur chali gyi.

Ab baat karte hai Vicky Kaushal ki URI: The Surgical strike ki. Ye movie ek josh hai, ek jazba hai, har uss jawaan ka gussa hai jisne URI attack mei bhai, dost, ya sambandhi khoya. Yeh movie asli incident pe based hai aur logon ko kaafi pasand aayi. Har corner pe aap jaake puch lijiye “How’s the Josh” jawaab “high Sir” mil jaega.

Samasya ye nahi ki film ne Acha kaam kiya ya 100 crore ki purti Karli, samasya kuch logo ko ye hui ki surgical strikes NDA ya BJP raaj mei hue aur kayi neta isse saaf-saaf nakaarte h. Chalo hum Congress-BJP mein nahi padhte hum to filmy aadmi hai film ki baat krte hai.

COMMUNIST SPINNING THE TALE

Film mei ladies ka role seemit hone ki baat, film mei bas deshbhakti ka nakli josh jagaane ki baat aur Pakistani soldiers ko kamzor dikhaane se dikkat ye humaare desh mei hi ho sakta hai. Apna ek bhi kyu nahi mara ye sawaal vampantho ko sata kar reh gya. Baat ye nahi ki hum ne jawaab mei attack kiya ya humaara ek bhi saathi nahi mara, darr kuch logo ko the “populist opinion” se hai. Kyuki army aur abhi centre mein Modi ye pure desh aur duniya mei chaye hue hai, jo ki 2019 General Elections se pehle opposition ke liye haar se kam nahi.

Par agar hum apni haar jeet ka bhaanda army ke dum pe phodte rahe to humaara apna kya vajood hai? Ab agar Vampanth soch waale bhi Sambit Patra style commentary pe utar jaenge to movies banaane waale aisi movies banana hi bandd kardenge fir aap sochte rehna aisa kya gunah kiya tha ki acchi movies bante bante reh jaati hai, ya banti hai to uske reviews pehle hi audience ko dara deti hai? Kya ye propaganda nahi hai?

Must Read
1 of 16

Army as a unit – should not be used for political vigour & mileage – hum to ye maante hai. Dusra, Feminism aur  Bigotry jaise 2-4 shabdo (jinka matlab humko pata hai) ka sahara leke ek superhit film ko nakaarna, desh ki haar hai. Hum pakistani army ki tarah apne hi bhai bandhu ki body lene se to mana nahi krte!!!

To URI: the Surgical Strike ki sacchai – Zabardast film hai, aap dekh hi chuke honge, nahi dekhi hai to zaroor dekhiye. Jo movie apne army-men ke liye andar josh jagaade, wo movie kisi Khan ya Rohit Shetty movie se lakh behtar hai. Baaki comments mein bataaein kyu kuch log movie ko negatively publicise krne mei lage hai din raat? 

 

Content Protection by DMCA.com
Comments