World's First Portal Publishing News in Hinglish

Uttar Pradesh Ke Policeman Jasvir Singh Ko Kyu Milti Hai Bina Kaam Ke Salary?

0 85

Lucknow, Uttar Pradesh mein Jasvir Singh, ek maananiye officer ke taur pe aaye thay. 2002 mein inhone apne saare sapne peeche rakh kar IPS crack kia aur UP mein bharti hogye.

Tab, 34 saal ke Singh, Gorakhpur ke tab ke Member of Parliament, Yogi Adityanath pe NSA (National Security Act) ke tahat case darj karte hai, jo BJP ke mantri-mandal aur tab ki BSP ki state-government ko ek percent bhi raas nahi aya!

Top order pressure ke baad bhi Singh apne atal iraade se nahi hat-te, aur unka transfer kar diya gaya. Ek IPS ko 2 din ke baad hi, Uttar Pradesh food cell mei transfer kardiya gaya aur sab chup rahe.

FROM SUPERINTENDENT OF POLICE to FOOD CELL:

Food Cell mei transfer ke baad bhi, Jasvir Singh ka kaam karne ka tareeka nahi badla aur din-raat ek kar unhone fir apne aap ko “constitution-loyalist” saabit kar dia. Adityanath case mei Mehrajganj se mehez 16 din mei transfer hone ke baad, fir se UP mein Singh ne ek bomb foda. Unhone transfer ke theek ek saal baad, Raghuraj Pratap Singh, urf Raja Bhaiya par Lakhimpur, Kheri mein scam krne ka charge lagaaya.

Raghuraj Pratap uss time Mulayam Singh Yadav ki SP government mei food minister thay aur kaafi powerful connections thay. Isse saaf tha ki ab Jasvir Singh, politicians ke liye mehez ek pareshani ya “nuisance officer” bann gye thay.

Tab se aaj tak, Jasvir Singh 26 saal ki service mein kahin bhi 1-2 months se zada nahi tik paae aur hamesha unka transfer kisi ‘dead-end’ posting mei hota raha.

“KYUN MILTE HAI MUJHE KUCH NA KARNE KE PAISE?” Jasvir Singh

Jasvir ke liye tab bhi Politicians bas mehez janata ke sewak thay aur Aaj bhi wahi hai. Par imaan, dharam ka desh mein bura haal hai. 1995 aur 2002 mei ‘hate-speech’ dene pe jis Adityanath pe Jasvir ne NSA charge lagaaya tha, wo aaj Uttar Pradesh ke Chief Minister hai aur saare charges BJP ne drop kara diye hain. Issi UP govt. ke under aaj Jasvir ke pas rank, uniform aur cabin sab hai, par kaam ek nahi.

Ab ADG (Additional Director General of Police) Rules & Manual, Uttar Pradesh Jasvir Singh subha 9:00 am sharp office mei aate hai aur 6:00 pm sharp wapas ghar chale jaate hai. Jab seniors se unhone kaha ki yahan koi kaam nahi hai, tab unko apne mann ke topic pe research paper likhne ki raaye di gayi.

Yahan pe bhi Jasvir ne, Rules and Manual department kyu start hua tha ispe research karne ki guzarish ki. Woh jaana chahte thay ki sarkaar kyu 1984 se ab tak iss department ko salaries de rahi hai.

Par afsos ye yachika bhi reject hogyi aur unhe iss research ko karne se mana kardiya gaya.

WOO THE POLITICIANS – JOB FOR MEN IN UNIFORMS

Must Read
1 of 16

Agar Jasvir Singh ki baat kare to veh apne aap ko “constitutional loyalist” maante hai. Unka kehna hai, “politician-loyalist” bann ke career nikaalne se accha mein yahan bina ghoos ya rishwat liye 9-6 ki duty karu.

Par ab bhi wo samajh nahi paaye kyu itne police waalo ko bina kaam kre mil rahi hai salary!

Singh, jinhone kabhi shaadi nahi ki, ek engineer aur lawyer bhi reh chuke hai, aur unhone kabhi bhi ‘neta’ ko ‘janata’ se upar nahi maana. Shayad yehi reason hai ki ek honest aur gutsy officer aaj desh ke kone mei kisi chote se cabin mei sadd raha hai.

Aaj bhi Singh ka kehna hai, unke seniors unko neglect karte hai, juniors mazaak banaate hai, aur neta log ek pareshaani ke roop mei dekhte hai. Ye sab kuch apni duty theek se karne ke liye!

Unka kehna hai unhone 38 din mei Muzaffarnagar ke 40 gangster maar giraae thay aur ek BSP Vidhayak ko jurm mei shaamil hone ke liye, baal pakad ke ghaseet ke thaane laaye thay. Tab unke seniors ka kehna tha ki unhe Vidhayak Ji ko haath jod ke, salute karke honourable tareeke se thaane laana chahiye tha, par unke liye culprit kisi party ya post ka nahi hai, bas ek offender hai. Muzzafarnagar se bhi fir Singh ka transfer kar diya gaya tha!

Content Protection by DMCA.com
Comments