Pulwama Terror Attack: CRPF Par Aatanki Hamla | 14 Feb Bana Kaala Din

Central Reserve Paramilitary Force ke 43 Jawaan Pulwama mei Shaheed

0 287

Jab puri duniya apne premi/parivar/baccho ke sath Valentine’s Day ki khushiyan mana rahe thay, India ke kareeb 40 parivaar shok mei doob gye. Jammu & Kashmir, district Pulwama mein hue aatanki hamle ki khabar ab har news-channel har zabaan par aane lagi thi. Pulwama terror attack ne poore desh ko jhakjhor kar rakh diya hai.

76TH RESERVE BATTALION par Terror Strike

14th February, 2019 – Mehez din ke 3:30 bje thay tabhi CRPF jawaano ki puri battalion (jo Jammu se Srinagar ja rahi thi) uss par aatanki hamla ho gaya. 76TH Battalion ke ye CRPF ke jawaan chutti mana kar ghar se vapas apni posting pe ja rahe thay, jab ye attack hua. Jahan kareeb 60-70 trucks ka convoy 2500 CRPF personnel lekar ja raha tha, wahin bas ek SUV car, aatankwadi driver sahit convoy ki aur badh rahi thi. Kisi ko maaloom nahi tha ki aisa hoga, par theek jaisa anjaam dena tha, SUV car (450 kg IED equipment aur RDX se laes) ek convoy bus se takra gayi. Aas-paas bethe CRPF jawaano ke kharpacche udh gye, kisi ka haath, kisi ki aantey baahar sadak par padhi thi, har taraf bas khoon ka manzar dikhai de raha tha.

Mrit-Jawaano ki Sankhya Badhti Rahi

Jahan pehle 18 CRPF jawaan khone ki khabar aa rahi thi, din dhalte dhalte ye saaf hogya ki kam se kam 43 bhartiya CRPF jawaan shaheed ho gaye aur bohot se zakhmi, army hospital mei joonjh rahe thay. 2016 mei ‘URI Base Camp Attack‘ ke baad ye sabse bada aatanki hamla hai, jiski zimmedari, banned outfit JeM [Jaish-e-Mohammed] ne li. Iss bhayanak hamle ki baad ‘India’ sakth rukh mei hai, aur Ministry of External Affairs ne, UN (United Nations) ko letter likhte hue, JAISH outfit ke sartaaj, Masood Azhar, ko ek ‘designated’ terrorist ghoshit karne ki maang ki.

Pulwama Terror Attack: Na Marne Waalo Ki Guhaar Na Koi Aakhri Iccha

Jab kilo-kilo explosive ek sath phat-jaata hai to acche-acche ghar gir jaate hai, humaare jaabaaz sipaahi toh thay fir bhi insaan. Jahan kuch to abhi bhi hospital mei zindagi-maut ke beech hain, kuch ke tukde unke ghar waalo ke pas pohochaane ka kaam karne waale sainiko ke aansu bayaan kar chuke ki kya manzar tha, Pulwama mein. Marne waalo ki sankhya 40 paar aur peeche reh gye bas wo log, jo ab kabhi apne bete, bhai, ya pati ko dekh nahi paaenge. Ye CRPF jawaan ghar se duty par ja rahe thay aur intel-rehte inko kahin na kahin ye khauf raha hoga ki aisa kuch incident inke sath ho sakta hai.

Jahan Narendra Modi ke sath, Rajnath Singh, Rahul Gandhi, aur sabhi ne iss ghatna ki ‘ninda’ kari, Bangladesh se Sheikh Hasina ne kaha “ki terrorism ke khilaaf Bangladesh rahega zero-tolerant aur aisi situation mei India ko deni-hogi har wo madat jinki unhe zarurat hai”. Russian Embassy, French Embassy aur Donald Trump ne khud America se iss ‘terrorist-attack’ ko insaniyat ke khilaaf batate hue, afsos jataya.

Jahan Rajnath Singh aur Narendra Modi ne ‘Pakistan ko banned-outfits ko khulla support dene ke liye warning di’, Pakistan ministry ne Pulwama terror attack ko ‘hatashajanak’ aur ‘dukhdaaye’ batate hue, apna koi-haath na hone ka daava kia.

 

Pulwama Terror Attack: Kyun Nahi Kia Jawaano ko Airlift – Ex J&K Commissioner

2016-2018 tak J&K Valley mein rahe Commissioner ne CRPF se puche kayi kadve sawaal. Unhone pucha jab raaste 1 hafte se bandd thay to kyu nahi CRPF jawaano ko Kashmir valley mei ‘airlift’ kia gaya. Unki maane to 2500 se zyada sainik ke convoy ko road se din mei lejaana, jawaano ki jaan khatre mei daalna hi tha, aur aisa raat mei karna shayad kam harmful hota. Jahan valley ke raaste, ‘heavy-snowfall’ ke chalte bandd thay, CRPF jawaan ke trucks ek hafte tak phasne ke baad 14 Feb ko Srinagar ravaana hue thay, jab ye hamla hua.

Jahan 40-43 parivaar waalo ne apne ‘anmol-ratan’ kho diye, wahan CRPF ke 76TH battalion ka kuch hi hissa ab shesh reh gya. Surgical strike ki baari gayi, ab badla lene ka mauka saamne se aaya hai, aur desh ko ek-jut ho kar iska badla lena hoga.

Jahan desh mei har taraf shok ka mahaul tha, kuch gaddar ‘How’s the Jaish’ keh kar URI film ke dialogue-baazi ka jawaab yahan de rahe thay. Aise buzdil ‘terrorism’ supporters ko army nikaal fenke ya goli maarde, to uttam hoga.

Hinglish News – Pulwama terror attack me desh ke veer jawaano ke balidaan ka naman karti hai – aur PM Narendra Modi se anurodh karti hai, ki ye khoon zaaya na jae! Jai Hind!

Pulwama Terror Attack
The militant identified as the suicide bomber behind the wheels of the SUV

_______________________________________________________

Social-media par ‘Pulwama Attacks’ ki hui Ninda

Prime Minister Narendra Modi ne kaha, “diya jaaega kada jawaab”

 

 

 

Content Protection by DMCA.com

Leave A Reply

Your email address will not be published.