PUBG | Ho Chuka Hai Zombie Attack

Zombie Mode has arrived in PUBGM v0.11.0 Update

0 210

Entertainment aur Gaming mein aap jitne log jodh sakte hai, utni wo cheez, viral ho jaati hai. Aisa hi haal hai, Mobile/PC format multiplayer game PUBG: Player’s Unknown Battlegrounds ka. Ho chuka hai zombie attack, ji haan, agar aap ne update nahi kara hai, to article padhte hi, ya padhte padhte, apna game update par lagaiye.

PUBG – Event ‘ZOMBIE MODE’ Unlocked

‘Survive Till Dawn’ mode jo update ke sath aaya hai, usme aap ko normal enemies ya bando ke alava ‘Zombie attack’ se bhi jujhna hoga. Ek all-weather condition mein, Zombies ka humla din mei kam, raat hone par zyada bhayanak hojaata hai, jisme aap insaan se nahi to shaitaan se zaroor mar jaenge.

Erangel, Miramar, Sanhok aur Vikendi ke alava ab ‘Event Mode’ mein aap ke pas ek aur anokha mauka hai, par limited time ke liye! To jaldi kheliye aur batayi kaisa laga.

Kya Hai Zombies ka Mission?

Zombies chalte-phirte murde hain, jo Resident Evil 2 aur PUBG game ke collaboration se aap ke game mei laaye gaye hain. Pehle ‘Zombie apocalypse’ ki warnings aap game par deewaro mein nishaano se le sakte thay, aur ab wo warning, game mein real hoti dikhaai gayi hai. Zombies ka hamla aap par kahin bhi aur kahin se bhi ho sakta hai, aur zombies maarne pe aapko return mei ‘loot’ object milegi.

Zombies mein bas chalte murde nahi, aur bade-bade characters hain, jo time-time par attack karte hai, aur raat hote hi active ho jaate hain. Ji haan firing karna aap shayad bhool jaein jab aap ye Zombie mode khel rahe honge.

New Updates with Zombie Attack –

Zombie mode ke sath aap ko kayi aur naye weapons, grenade-sticks, aur skins diye gaye hain, jo PUBGM 0.11.0 update ke sath Android aur Apple platform par available hain. Isme se, MINI GUN MI34 aur FLAMETHROWER kaafi karagar guns saabit ho sakti hai, aur Boss-Zone mein aap ki jaan bacha sakti hai.

BOSS Mode – Red-zone ki tarah zombies ka area map par aapko dikhta rahega, jahan zyada se zyada zombies spawn honge aur sath aaenge Resident-Evil 2 ke boss characters. Ye aap ko maar sakte hai (strongest zombie attack), to inse duri banaae rakhe jab tak aap iss mode mei ‘Pro’ feel na karne lage. Iske alava, aap enemies pe musibat ka pahad todne ke liye, unn par ‘mutant grenade’ use kar sakte hai, jisme se ek monster-zombie nikalta hai.

Iske alava, circle normal ‘Classic’ mode se chota hai, aur players bhi lobby mein 60-65 hi hote hai. Par difficulty badh jaane ke baad, ab iss game ka maza aur aane lag gaya hai.

Resident Evil 2 Zombie attack

‘What we Think’

PUBGM mein players 2 tarah se khelna pasand karte hai, ek jo apni tier level badhaana chahte hai, aur dusre wo, jo apni RP (royal-pass) rank ke liye push karte hain. Zombie mode hai to mazedaar, par ye aapki rank badhaane ke vajah gira zyada sakta hai. Agar aap Ace 1 ya Crown 1 tier ke liye try kar rahe hai aur RP 100 tak season-end tak pohoch jaana chahte hai, to missions pure karte rahiye, aur classic-mode khele.

Ye 450mb (approx) ka update har Android aur Apple device par aa chuka hai, jaaiye dekhiye, aur kheliye! Aap zombie mode pe missions pura kar ke skins aur free-outfits pa sakte hain! Hurry up! Zombie attack is here, are you ready?

Content Protection by DMCA.com

उत्तर छोड़ दें

आपका ईमेल पता प्रकाशित नहीं किया जाएगा।