World's First Portal Publishing News in Hinglish

Full Rank Pushing Hinglish Guide: PUBG Mobile Ko Pro Player Ki Tarah Kaise Khele?

0 1,354

Agar aap ne PUBG Mobile nahi khela to aap safe hai, agar khel rahe hain, to chaliye beemari to aapne paal li, ab usse dhang se nibhaana seekhe! Aaiye aaj aapko batate hai kuch tips and tricks, jisse aap PUBG khelenge hi nahi, usme Chicken Dinner bhi kar lenge.

For those who are Vegetarians – ya to game delete kar do, ya phir aadat daal lo, ye naya chaska hai, yahan banda ghar mein ghusega bhi, aur maarega bhi!

PUBG MOBILE BASICS

Toh dosto, pehle basics clear kar lete hain – PUBG Mobile mein do categories hain jisse aap khel sakte hai – ek ARCADE MODE dusra CLASSIC MODE. Agar time kam hai, ghar waale sarr-par hai to behtar hai aap ARCADE kheliye lekin agar aap Engineering student hai ya koi aisa jisne bhook, pyaas sab tyaag dia hai, CLASSIC aapke liye hi bana hai! Let’s Go!

Ab PUBG MOBILE ka 5th season chal raha hai aur pehle 4 kaafi dilchasp rahe hai, jisme new updates ke sath, ab 4 maps aapke pas hai. Erangel (Map 1), Miramar (Map 2), Sanhok (Map 3), aur Vikendi (Map 4) ye options aapko milenge jisme aap khel sakte hai. Iske alava, aapko samajhna hoga ki Asia, North America, South America, Europe, aur KRJP servers hai jisme aapko zones ke hisaab se players milenge.

Agar aap ‘NOOB’ nahi kehlaana chahte, to ASIA mein hi try kijiye aur ASIA mein hi apna game improve kijiye. Aap solo, duo ya squad mode khel sakte hai jisme 1, 2, aur 4 players waala game aap ko khelne ko milega.

TIPS to SURVIVE IN PUBG MOBILE

Erangel – Ye PUBG MOBILE ka sabse bada map hai, to zahir hai, isme aapka survival rate sabse zada hone ke chance hai. Har game ki tarah iss map mein bhi aapko circle mei reh kar zyada se zyada log maarne hai, aur aakhri reh jaane par aap ‘CHICKEN DINNER’ ke haqdaar honge. Try kare, apne squad mates ke sath sath chale, kyuki 1 v 4, 1 v 3 mein luksaan aapko hi hai, squads ko khatam karne ke liye squad ke sath hi aage badhe.

Famous Spots: Military Base, School, Rozhok, Pochinki, aur Georgopol & Novorepnoye (high-risk containers)

Miramar – Agar aapne ‘Border’ movie dekhi hai, to yeh wahin ka scene lagega aapko. Hala ki ye map sabse kam pasand kiya jaata hai, isme aapke pas kills lene ke sabse zada chance hai. Ye map khula hai aur isme ghar aur buildings kaafi kam hai. Toh isme survival mushkil hai par aapka K/D (Kill to Death) Ratio isse badh sakta hai. Yahan scope aur dimag dono use kare nahi to ‘Patt se Headshot’ padh sakta hai.

Famous Spots: Hacienda del Patron (murder house), Pecado Casino, Campo Militar, Los Leones, and Minas Generales

Sanhok – Ye hara-bhara map sabse chota hai, iska matlab aap game mein har kona chaan sakte ho aur dusri jagah pohochne mein time bhi kam lagega. Yahan ‘CHICKEN DINNER’ karna aasan hai par Top 10 ke bahar finish karna usse bhi aasaan, because choti jagah hone ki vajah se aapko aur bande jaldi jaldi milte rahenge. Jhaadio ka use karke apne aap ko cover mein rakhe!

Famous Spots: Camp Bravo, Camp Alpha, Quarry, Ha Tinh, Boot Camp (only if you are a pro), and Paradise Resort (90% chance of dying).

Vikendi – Ye sabse naya aur PUBG MOBILE ka snow map hai jahan barf-hi-barf hai har taraf upar se kohra, aap ko bed pe bethe bhi thand lag sakti hai. Yahan khelna kaafi khatarnaak saabit hota hai, so K/D Ratio kaafi low rehta hai. Iss map ka beta version hi launch hua hai to abhi bohot si jagah isme add hona baaki hai.

Famous Spots: Castle, Goroka, Shacks south of Dobro Mesto, and Dino Park

GUNS AND WEAPONRY IN PUBG MOBILE 

PUBG MOBILE mein bina guns ke aapka safar – suffer mein badal sakta hai. Toh dosto yeh guns sabse zyada damage deti hai, aur humne har category ki top 3 list aapko di hai, dhyan se padhiye!

SHOTGUNS – Uses 12 Gauge Ammo

  1. S12K – Damage (22), Magazine Size (5) and Bullet Speed (350)
  2. S1897 – Damage (25), Magazine Size (5) and Bullet Speed (360)
  3. S686 – Damage (25), Magazine Size (2) and Bullet Speed (370)

SNIPERS

  1. AWM (.300 Ammo) – Damage (132), Magazine Size (5), Range (100-1000), and Bullet Speed (910)
  2. M24* (7.62 Ammo) – Damage (60), Magazine Capacity (10), Range (100-800), and Bullet Speed (853)
  3. M24 (7.62 Ammo) – Damage (82), Magazine Capacity (5), Range (100-800), and Bullet Speed (790)

ASSAULT RIFLES (AR)

Must Read
1 of 17
  1. GROZA* (7.62 Ammo) – Damage (48), Magazine Capacity (30) and Range (100-400)
  2. AKM (7.62) – Damage (48), Magazine Capacity (30) and Range (100-400)
  3. SCAR-L (5.56 Ammo), Magazine Capacity (30) and Range (100-600)

MACHINE GUNS (MG)

  1. M249 (5.56 Ammo) – Damage (44), Magazine Capacity (100), Range (100-500) and Bullet Speed (915)
  2. Micro UZI (9mm) – Damage (23), Magazine Capacity (25), Range (100-200) and Bullet Speed (350)
  3. Vector (.45 Ammo) – Damage (31), Magazine Capacity (13), Range (50-50) and Bullet Speed (300)

PISTOLS

  1. FLARE GUN – Invites an Airdrop with rare equipment and items
  2. P18C (9mm Ammo) – Damage (19), Magazine Capacity (17) and Range (25-25)
  3. P92 (9mm Ammo) – Damage (29), Magazine Capacity (7) and Range (25-25)

__________________________________________________________________

GOD TIER – AWM, M249, FLARE GUN

TIER 1 – Mini 14, M24, SKS, KAR98, GROZA, SLR

TIER 2 – AKM, M416, SCAR-L, M16A4, QBZ95, MK47 Mutant, M762

TIER 3 – S1897, Micro UZI, UMP9, Vector, Tommy Gun, DP-28

TIER 4 – S686, P18C, VSS Vintorez, Winchester, S12K, R45

PRO TIP: PUBG MOBILE KO PRO PLAYER KI TARAH KAISE KHELE?

  1. Mark karke khelo, squad se sath ek surakshit jagah utro jahan ghar aur building zada ho. Choti buildings mein loot achi mil sakti hai.
  2. Flare gun ko white-circle ke bahar ya circle banne se pehle fire na kare, aisa karne pe gaadi milegi crate nahi.
  3. 4x, 6x aur 8x scope dhundte rahe, uske bina aapka ‘CHICKEN DINNER’ karna mushkil hojaega last circle mein.
  4. Crate se aapko ‘Gilly Suit’ mil sakta hai, usse aapke dikhne ke chances kaafi kam hojaate hai.
  5. Painkillers aur Energy Drink ko use karne se aap pe goli lagne ka damage kam hota hai! Kisi dushman ko engage karne se pehle energy full kar lein.

To kaisa laga aapko ye article? Niche comment section me jaroor batana.

 

Content Protection by DMCA.com
Comments