World's First Portal Publishing News in Hinglish

“Nahi Chalega BSP-SP Alliance” Shivpal Yadav

"Alliance of self-interest" - Shivpal Singh Yadav

0 190

Apne apne fayde ke liye kiya gaya alliance kaam nahi aaega 2019 mei, aisa kehte hue Shivpal Singh Yadav, ne jata diya ki vo aur unke party ke kaafi senior leaders, Akhilesh Yadav ke faisle se sehmat nahi hai.

“Alliance of self-interest”  – Shivpal Yadav

Shivpal Singh Yadav, jo abhi Pragatisheel Samajwadi Party (Lohia) ke chief hai, hamesha se Mayawati aur unki BSP (Bahujan Samajwadi Party) ke against thay aur unki maane to, Mayawati ne kabhi bhi ‘socialist’ ideology waale logon ki respect nahi ki, jisse aage ka rasta dhundhla aur Samajwadi Party ka future, andhere mein dikhaai padh raha hai.

Shivapal se pehle, SP senior party leader Azam Khan ne bhi BSP-SP alliance ke against kaha tha aur ye saaf kardia tha ki wo Akhilesh ke iss decision ka bilkul sath nahi denge. Ek party event mein Azam Khan ne kaha tha “humne unke liye dhamkiya sahi, apni izzat daao par rakhi aur inhone Yadavo ko zameen pe laane waali, dalit ki beti ke sath hi gathbandhan kar lia?”

Shivpal Yadav, apni Pragatisheel Samajwadi Party ki pehli executive committee meeting ko lead karte hue ye daawa kar bethe ki kahin nahi lejaega ye gathbandhan SP aur BSP ko. Unhone apne party-workers ki tareef karte hue unhe mehnat se party ko upar laane ke liye badhaai bhi di. Aapko yaad nahi to bata dein, August 2018 mein Shivapal aur Akhilesh ke differences ke chalte, Pragatisheel Samajwadi party ka nirmaan hua tha aur dono apne-apne raaste chal diye thay!

“BJP Can Play ‘Ram Mandir’ Card in UP Elections”  – Shivpal Singh Yadav

Yahan Shivpal Yadav ne PM Modi aur BJP ko bhi nahi baksha aur ‘unfulfilled promises’ ke chalte unse jawaab maange! Unhone apne party workers ko alert pe rehne ko bhi kaha! Unke hisaab se BJP, UP mein Ram Mandir ke issue ko communal angle dekar election mein seats ke liye khel sakti hai, aur inse unhe aur unki party ko bachna hoga, aisa signal diya.

Meta: Pragatisheel Samajwadi Party kyu nahi hai BSP-SP alliance se sehmat? Jaaniye HINGLISH mein, Uttar Pradesh election mein naye twist!

 

Must Read
1 of 16
Content Protection by DMCA.com
Comments