Kya Hai ANTI-BJP Front: Kaun-Kaun Hai Iss Front Ka Bhagidaar?

BJP ko haraana ab ek aadmi ke bas ki baat nahi, to saare chale aae! Didi, chacha, bhatija, sab hain yahan!

0 142

Complete victory ya Poorna-bahumad ke sath bani BJP ki 2014 ki sarkaar ab apne aakhri saal mei hai, takhthapalat na ho sake, uske liye tayaari zor-shor se shuru hai. Kahin 5,00,000 se kam income tax-free hone ki khushi, kahin saalo-saal Ram Mandir na banne ka dukh – Narendra Modi sarkaar agli baar – aaye ya nahi, iska pata to ab ‘2019 Elections’ ke baad hi chalega. Lekin is sab ke bich Anti-BJP Front ka scene shuru ho chuka hai.

ANTI-BJP Front:

Jab se Bhartiya Janta Party aur PM Modi apni party ka prachar karte dikhe, tab se hi har taraf sirf khaunf aur darr tha. ‘Modi ko hataana hai, desh bachaana hai’ kahin iss prakaar ke naare sunai diye, kahin ‘Har-Har Modi, Ghar-Ghar Modi’ ki guhaar.

Must Read
1 of 2

Congress President, Rahul Gandhi ne Modi ko unhi ki bhasha mei jawaab dete hue ek baar aur kayi baar kaha ‘Chowkidar Chor Hai’ uspe ab senior-BJP leader, Rajnath Singh ne kaha, “Chowkidaar Pure hai, Chowkidaar hi Cure hai”. Maanna padega BJP IT-Cell ho ya Congress party ke supporters, iss baar war bas votes ki nahi, notes ke sath ab social-media war bhi ban chuki hai.

Issi beech, kayi bade neta Modi-Shah ki ab taanashaahi ko bardaasht naa karte hue, Anti-BJP front se judd gaye. Ye front, jisme Congress ka hona laazmi hai, ab kayi bade netaao ki partnership se kaafi mazboot dikhai de raha hai. Aaiye aapko batate hai, isme kaun-kaun shaamil hai -:

  1. Mamata Banerjee: TMC (Trinamool Congress) chief aur West Bengal ki CM, Mamata iss bade khel ka ek bada hissa hai, inke pas Modi aur Shah se roothne ki kayi wajah bhi hai aur agenda bhi. United front banaane mei, inka bada yogdaan hai – ye hi sabko sath laane mei kamyab rahi.
  2. Sharad Pawar: Mamata ko dinner party pe host karne waale, NCP Chief Sharad Pawar ab bhi politics mei dilchaspi rakh kar ye bata rahe hai ki experience ki kabhi umra nahi hoti. Pawar ka sath dene, Shiv-sena leader Sanjay Raut bhi pohoche thay.
  3. Chandrashekhar Rao: TRS (Telangana Rashtra Samithi) Chief aur Telangana Chief Minister, Rao, ab iss front ka ek bada hissa hai, aur inki maane to, regional parties ki madad se BJP ko 2019 elections mei haraaya ja sakta hai. Par inhone pehle ek Anti-BJP and Anti-Congress front ka idea diya tha, jo Mamata Banerjee ko bhi bha gaya tha, par
    Anti-BJP Front
    Opposition parties to discuss anti-BJP front on Nov 22

    aisa filhaal ho na saka.

North mei Hunkaar – BSP aur SP Alliance

Iske alava, Yashwant Sinha aur Shatrughan Sinha, jo pehle BJP ka hissa thay, aaj wo bhi ‘bhagwa party’ ke liye musibat bane hue hai.

January mei, Sonia Gandhi ne jo meeting kari thi, usme 13 parties ke chief thay, jinme bas Mamata Banerjee kisi personal reason ke chalte maujood nahi thi. Ab aisi hi ek meeting ki umeed Lucknow mei ki ja rahi hai. Agar aisa hota hai to wahan hua ganthbandhan (BSP-SP alliance) bhi BJP ki mushkiley badha sakta hai. BSP Chief Mayawati aur SP Chief Akhilesh Yadav haath milaane ke baad ab iss front ko join krte dikhaai de sakte hai.

_______________________________

Dekhna ye hoga ki kya, maharathio se bhara ye opposition front kuch kar dikhaaega ya Modi aur Shah ki talvaar ek baar fir ‘Mandate’ paane mei saksham rahegi. Kahin janata, Chowkidaar ko chor kehti hai, kahin iss Anti-BJP front ko “choro ka garh”. Ab dekhna ye hoga ki isme janata ko kitna fayda milega aur kitne hath apno ko kuchalne ke liye uthenge. Politics mei ek dusre ke peeth-peeche choori-ghopna koi nayi baat to nahi, par ab 2019, sabko soch samajh kar chalna hoga.

Content Protection by DMCA.com

Leave A Reply

Your email address will not be published.