Kaise IAF ke 30 Saal Puraane Mirage 2000 Plane ne Li 2 Pilots ki Jaan?

Dasault Mirage 2000 Crash in Bangalore

0 151

Haala ki Indian Air Force ka Har Plane ✈bohot mehnga aur hathyaaro se bhara hota hai, IAF Mirage 2000, ek interesting par itihaas mei ab ek kadva sach? Wo kaise? Ye wahi plane hai jisne Bengaluru ke HAL airstrip ke pas 2 pilots ki jaan leli.

Kargil 1999 ke war ke time kaam aaye ye jahaz utne hi puraane thay jitni shayad unhe chalaane waale pilots ki umra. Squadron Leader Samir Abrol, 32, aur Squadron Leader Siddharth Negi, 31 saal ke thay.

Apne 31st Birthday pe Negi Mirage 2000 mei fault ke kaaran apni jaan se haath dho bethe, unke saathi Samir Abrol, bhi ab iss duniya mei nahi hain.

Dono watan-parast, dono veer, Dono ke aankho mei deshbhakti aur desh-seva ek junoon tha.

HAL (Hindustan Aeronautical Limited) ke update aur re-development ke baad, Samir aur Siddharth, ek Mirage 2000 plane ki testing kar rahe thay, tab ye haadsa HAL airport se kuch hi doori pe hua.

Jahan, IAF Pilot Siddharth Negi eject karte time, Plane ke malbe mei hi gir gye. Wahan, Samir Abrol ke parachute mei aag lagne se, major burns ke kaaran unhone hospital mei aankhri saans li. Dono bohot hi tez aur durust pilots thay, jinko planes ko test krne ka zimma saunpa gya tha.

Kya Yeh Mehez Haadsa Tha?

IAF pilots bohot hi khaas training se ho kar guzarte h aur Samir aur Siddhant ke pas jo training hours thay, wo aasani se nahi diye jaate. HAL ki testing ke baad unhe jo Mirage 2000 aircraft mila, wo HAL se test ho kar Aaya tha aur unke hisaab se 100% sahi condition mei tha. To fir takniki kharaabi kaise?

IAF Chief ka kehna tha ki agar “HAL ke ek jahaz ke liye unhe compensation mil b jaae to theek, par unke 2 best pilots ki bharpaayi HAL kaise karega?”

Jo planes desh mei 30-30 saal pehle laaye Gaye, unme faults hona laazmi hai, aur HAL ke test ke baad bhi aisa haadsa hona batata hai ki humaare honhaar pilots kitni safety ke baad bhi safe nahi hai.

Ab jaanch se pata chalne ke chance bohot kam hai, kyunki humaare desh mei pilots air soldiers khone ki parampara hai, lekin sach ko jadd se nikaal lena sabko Acha nahi lagta. Agar ek do pilots ki jaan jaane se ek-do mantri aur bureaucrats ko pareshaani ho, to aisa to humaari sarkaar kabhi hone hi nahi degi.

Sqn. Leader Samir Abrol ke bhai, Sushant Abrol ne apne poetic-justice se yeh to bata diya ki kya kaaran tha jisse aaj unhe apna bhai khona padha, par shayad hi koi sarkaar kisi jawaan ke guzarne pe apni ministries se jawaab maangti hai, yahan bhi umeed kam hi hai. Sushant ki poem ne saaf kar diya, ki jahan Politicians apni ‘cheeze and wine’ ki moh-maaya nahi chorte, wahin humaare officers aur hunhaar pilots ko 30-30 saal puraane vimaan test karne ko diye jaate hai.

Sushant ne apne bhai ke aakhri time ko bohot khubsoorti se kuch shabdo mei bataya;

”And as he fell from the sky onto the ground,
With broken bones ; all but a black box was found.

His ejection was safe but parachute caught fire,
Shattered the family and all that he desired

Never had he breathed so heavy, as for the last time,
While the bureaucracy enjoyed its corrupt cheese and wine.

We give our warriors outdated machines to fight,
They still deliver it with all their prowess and might.

Once again a martyr was killed,
As he fell from the sky onto the ground.

Unforgiving is a job of a test pilot
Someone has to risk it to show others the light

Proud of my brother
Fights on always bro !!”

जय हिंद

|A Personality too-good to Wither Away so Easily|

Squadron Leader Samir Abrol mere school ke topper aur senior thay. Wo hamesha dusro ke liye zyada aur apne liye kam jeete thay. Unke sahas ko mein naman karta hu, par yeh to aap bhi jaante ho aur Mein bhi, ki humaari sarkaare aur sasti deal bas humaare pilots ke “parr” (wings) kaat-te hai, naa ki unke hunhar ki kadar krte hai.

Samir to kayi aaenge aur jaaenge, par ye desh ke veero ke sath gaddari nahi? Kya unke parivaar waalo ko sach jaane ka haq nahi hai? Kyu har roz aise haadse hote hai aur sab chup hojaate hai? Shayad ussi din ka intezaar rehta hai, jis din aap ka koi apna aag mei jhulas ke maut ko gale laga le.

Content Protection by DMCA.com

Leave A Reply

Your email address will not be published.