World's First Portal Publishing News in Hinglish

Chitrakoot Twins Abduction and Murder | Right-Wingers Arrested by Police

Chitrakoot Twin murder - Tution teacher arrested along with 5 others

0

Chitrakoot twins abduction and murder -12 Din ki Rooh-Kapaane waale intezaar ke baad aayi bhi to bas maut ki khabar, aisa tha manzar MP ke Chitrakoot mein, jahan 5-saal ke twins ki body ek nadi se mili. 5 saal ke Priyansh aur Shreyansh Rawat ko gunpoint pe, unki school-bus se kidnap kar liya gaya tha. Kidnappers puri planning ke sath dono baccho ko unki school bus se utha kar le gaye aur ‘recovery’ ke return mei ‘firauti’ [ransom] money ki maang ki.

Baberu, U.P. ke pas police ko dono ki ‘bodies’ mili, jisse spasht tha ki kidnappers ne paise lene ke baad bhi dono ko maar diya. Par dono ki body milne mein aur kidnap hone mei 9 din ka gap tha jisme Police, STF, aur kareeb 500 personnel (from UP and MP) unn dono ko bacha nahi paaye.

Arrests Made after Twins Abduction and Murder – Guilty Should be Hanged, Claims Father

Khabar aane ke baad, Chitrakoot mei section 144 laga di gayi, jisse sheher mei kisi bhi type ka ‘violence’ na ho pae. Police ne 6 logon ko giraftaar bhi kiya hai, jisme se baccho ka ‘tution’ teacher bhi shaamil tha.

“Zinda Nadi Mein Phek Diya. Firauti bhi le liye aur mere bacchon ko khatam bhi kar dia”, Brajesh Rawat, bacchon ke pita ne kaha. Unka kehna tha, ki unn jaanwaro ko phaansi honi chahiye, uske alava kuch nahi.

Apni aawaz ka dum khote hue mrit bacchon ke pita ne kaha unhone 20 Lakh ransom money bhara tha aur apne bacchon se baat bhi ki thi. Par tab wo ye nahi jaante thay ki ye unke bacchon se unki aakhri baar baat ho rahi thi.

Prime Suspect – Tution teacher ke Sath 5 Arrests

Padam Shukla, Chitrakoot mei rehne waala ek vyakti jo Priyansh aur Shreyansh ka teacher tha, iss maamle mei arrest kiya gaya hai. Uske sath – Ramkesh, Lucky Singh Tomar, Raju Dwivedi, Vikramjeet Singh aur Pintu Yadav ko bhi police ne arrest kiya. Ye sab Uttar Pradesh ke rehne waale hain.

Culprits ‘BJP‘ aur ‘Bajrang-Dal’ Pravakta –

Padam Shukla ke sath hathyaaro ne jis ‘Jeep’ se bacchon ko kidnap kiya, uss Jeep par ‘BJP’ ka jhanda mila, arrest hue ek culprit ki bike par ‘Rama Rajya’ likha tha, aur Padam Shulka (main culprit) ka bhai, Bajrang Dal ka ek sadasya hai.

Police pose with vehicles seized from the culprits

Ab jab, Police ne in sabhi ko arrest kar liya hai, to dekhna hoga ki inka sath inke maaibaap dene aate hai, ya apne aap ko iss ‘ghor apraadh’ se kinaare kar lete hai. Par aisa ‘Shri Rama’ apne rajye mei hota dekh, vaikunth laut jaate, aur shayad ‘bhakto’ ko shraap bhi de-dete, 2 chote baccho ko maut ke ghaat utaarne ke liye. Dono bacche nirdosh aur kewal 5 saal ke thay!

Arrest hone ke baad, MP CM Shivraj Singh Chouhan ne iss beech ‘CBI-jaanch’ ki maang ki!

Ab ye ‘twins abduction and murder’ case kitni baareeki se solve kiya jaaega, uski hum bas umeed hi kar sakte hai. Par jis maa-baap ne apne ‘dono’ anmol ratan kho diye, unke liye ye muhim jaari rehni chahiye.

Content Protection by DMCA.com

Comments

0 comments

Leave A Reply

Your email address will not be published.