World's First Portal Publishing News in Hinglish

Xiaomi Ne Launch Kiya Apna Ab Tak Ka Sabse Sasta Phone – Xiaomi Redmi Go

0 204

Yun to Xiaomi pehle hi apne saste phones ke liye jaana jaata hai, aaj isne ek aur sasta phone launch kar diya hai – Xiaomi Redmi Go. Unfortunately, abhi tak ye saaf nahi hua hai ki ye phone India me kab launch hoga. Haalanki Europe me iski keemat 80 Euro hogi jiska matlab hai ki ye phone India me lagbhag Rs. 6,500 ka milega.

Xiaomi Redmi Go Specifications

Xiaomi Redmi Go me 5 inch ka HD display laga hua hai jo ki 16:9 aspect ratio aur 720 pixels resolution ke sath aata hai. Phone ke andar company ne Snapdragon chipset daala hai jo ki quad-core processor se lais hai. Iska processor 1.4GHz ki clocked processing speed par chalta hai. Phone me 1GB ki RAM aur 8GB ki internal storage maujood hai.

Android Oreo (Go Edition) par chalne waala Xiaomi Redmi Go 8 megapixels rear camera ke sath aata hai. Sath hi sath isme 5 megapixels ka camera front par lagaya gaya hai. 3000 mAh ki battery se lais ye phone micro-USB, Bluetooth 4.2, Wi-Fi, 4G with VoLTE aur dual-SIM connectivity ke sath aata hai.

Must Read
1 of 16
Content Protection by DMCA.com
Comments