2018 Mein Kya Badla Bollywood Mein, Jisse Hil Gaye 3 Khan?

Jab Tak Hindustan Mei Cinema Hai, Logon ka .....

0 112

Aap Cinema to dekhte hain na? Haan abhi tak itne bhi bhayanak din nahi aaye ki aap ko Hindi cinema hamesha ke liye chorni pade! Har saal darjan bhar picture aati hai, chali jaati hain. Par ‘Andhadhun’ aur ‘Badhaai Ho’ jaisi kuch picture audience ka bharosa banae rakhti hai. Hum baat 2018 ki kare to bada hi aitihaasik saal tha! Wo kaise? Aaiye hum aapko bataate hain! Bollywood 2018.

Bollywood 2018 ki sabse badi films?

Raju Hirani ki ‘Sanju’ ki baat kare, ya Ayushmann Khurana (haan wahi Sperm donation waala) ki back-to-back hits, Andhadhun aur Badhaai Ho, movies mein content ki sakhti aur badhiya direction ke sath, super-hit acting ka combo inn teeno movies mein badhiya dikhaai diya. Saal ki sabse behtareen movies rehne waali ye kathaaye, audience ko hasa gayi, chauka gyi, aur kahin kahin rula bhi gayin.

Ab baat krte hain Bollywood 2018 ke unn movies ka, jo bas rula hi rula paayi, baaki to humne kuch suna nahi! Haan Ji, Aamir Khan aur Amitabh Ji ki ‘Thugs of Hindostan’, Superstar SRK ki ‘Zero’, aur Salman Khan ki ‘Race 3’ ye teeno hi movies naa toh ‘script’ se audience ko khush kar paayi, naa hi ‘Khan’ surname inhe doobne se bacha paaya!

2019 Ki shuruaat mei – ye iss dashak mein pehli baar hua ki teeno mein se ek bhi ‘Khan’ audience se 100 crore waali baat nahi keh paaye! Ya to ye kahiye ki, ab audience ko action ke sath story ki bhi umeed hone lagi. Par agar aisa hota, to Ranveer Singh ki ‘Simmba’ hit nahi hoti, kyuki Rohit Shetty ki movie mein ‘Plot’ ki umeed karna, Salman bhai ki movie mein ‘Physics’ ki umeed krne barabaar hai.

Bollywood 2019 mein kaisa raha Josh?

Saal ki sabse ghatak peshkash, Vicky Kaushal ki URI: Surgical Strikes, ab tak ki sabse behtareen war-movies mein se ek maani gayi. ‘Sanju’ mei Kamli ka role nibha gaye Kaushal, iss baar Army officer ke role se sab ka dil jeet gye aur 100 crore ka aankda ek hafte mein paar kar gye.

Jahan ek taraf kuch abhineta ek jaisi movies kar kar audience ka ullu banaate hai, kuch naye kalaakaar – jaise Raj Kumar Rao, Vicky Kaushal, Pankaj Tripathi aur kayi aur – ab audience ko baandhne mei kaamyab hai. Ye samay hai, ye sab ki leta hai! Ye samay hai, kal Nawazuddin Mumbai ka ‘chor’ banke Munnabhai MBBS mein aaya tha, aaj wahi Nawazuddin, Gaitonde banke, Mumbai ka ‘bhagwaan’ bhi ban aaya hai.

Aapko kaisi movie pasand hai? Khans ki ya plans ki? Comment pe apne raaye dein aur humko bataye!

Content Protection by DMCA.com

Leave A Reply

Your email address will not be published.