World's First Portal Publishing News in Hinglish

Bharat Ke 8 Sabse Bhootiya Railway Stations – Top 8 Most Haunted Railway Stations in India in Hindi

0 15

Bharat me tarah tarah ki chizo ke baare me log aksar baate karte hai. Koi bhut ko dekhne ka daawa karta hai, to kisi ne aliens ke sach hone ki baat kahi hai. Ab ye sab baate kaha tak sach hai, ye to koi nahi jaanta. Lekin itna to pakka hai ki bina aag ke dhuan nahi uthta. Aur inhi mysterious chizo ke baare me aaj hum log baat karenge. Is article me mai aapko Bharat ke 8 sabse bhootiya railway stations ke baare me bataunga. To chaliye dosto, start karte hai about the top 8 most haunted railway stations in India in Hindi.

Bharat ke 8 sabse bhootiya railway stations ke baare me article shuru karne se pehle aapko bata de ki humne YouTube par pehle hi iske baare me ek video bana rakhi hai. Agar aapne abhi tak nahi us video ko nahi dekha hai to niche dekh sakte hai.

Bharat Ke 8 Sabse Bhootiya Railway Stations – Top 8 Most Haunted Railway Stations in India in Hindi

1. Ludhiana Railway Station

Bharat ke 8 sabse bhutiya railway stations ki list me sabse pehla name Ludhiana railway station ka hai. Ludhiana railway station par ek chhota sa room hua karta tha jisme reservation ka kaam hota tha. Waha par Subhash name ka ek vyakti kaam karta tha jiski maut usi kamre me ho gayi thi.

Bharat Ke 8 Sabse Bhootiya Railway Stations - Top 8 Most Haunted Railway Stations in India in Hindi

Kehte hai ki Subhash ko apni naukri se bahut pyar tha jiski wajah se marne ke baad unki aatma yaha bhatakti rehti hai. Aur waha se gujarne waale logo ko chimti kaat’ti hai. Ab yah baat kaha tak sach hai ye to unhi logo ko pata hoga jo waha se gujarte hai. Lekin Subhash ki aatma ke khauf ka andaza aap isi baat se laga sakte hai ki government se us room ko permanently band kar diya hai. Aur yahi wajah hai ki Ludhiana hamare top 8 most haunted railway stations in India in Hindi ke list me number 1 par aata hai.

2. Dwarka Sector 9 Metro Station, New Delhi

New Delhi ka Dwarka sector 9 metro station Bharat ke 8 sabse bhootiya railway stations ki list me doosre number par aata hai. Logo ke anusaar yaha par ek ladki ki aatma bhatakti hai. Kehte hai ki wo har kisi ko pareshan karti hai. Logo ke car ka pichha karti hai, unke window ko khatkhataati hai, aur baat nahi sun’ne par thappad bhi maar deti hai.

Bharat Ke 8 Sabse Bhootiya Railway Stations - Top 8 Most Haunted Railway Stations in India in Hindi

Itna hi nahi, us aatma ka itna khauf hai ki log raat ko Dwarka sector metro station ke pass jaana pasand nahi karte. To agar aap waha rehte hai ya fir waha ghumne jaa rahe hai to raat me waha jaana thik nahi hoga. Aur kisi reason se jaana bhi pade to car se bahar nikalne ki jarurat to bilkul nahi. Is bhayanak aatma ki wajah se hi Dwarka Sector 9 metro station top 8 most haunted railway stations in India in Hindi ki list me doosre number par aata hai.

3. Rabindra Sarobar Metro Station, Kolkata

Kolkata ka Rabindra Sarobar Metro Station Bharat ke 8 sabse bhootiya railway stations ki list me teesre numer par viraajmaan hai. Logo ke anusar raat ke 10:30 baje se lekar subeh ke 5 baje tak yaha bhuto ka jamawda rehte hai. Log kehte hai ki ye un logo ki aatmaye hai jo kabhi yaha train ke track par kood kar apni jaan de di thi. Aur tab se wo logo ko haunt karte aa rahe hai.

Bharat Ke 8 Sabse Bhootiya Railway Stations - Top 8 Most Haunted Railway Stations in India in Hindi

Kai passengers aur yahan tak ke train ke drivers ne bhi yaha bhuto ke dekhne ka daawa kiya hai. Yahi reason hai ki waha ke metro staff raat ko jitni jaldi ho sake utni jaldi waha se apne ghar chale jaate hai. Itna hi nahi, un bhuto ko railway ke CCTV camera me bhi kai baar dekha gaya hai. To kya khayal hai aapka? Kya aap yaha jaana pasand karenge. Rabindra Sarobar Metro station stands at number 3 on the list of the top 8 most haunted railway stations in India in Hindi.

4. MG Road Metro Station, Gurugram (Gurgaon)

Gurgaon India ke sabse jyada bhid-bhaad waale cities me se ek hai aur sath hi sath Bharat ke 8 sabse bhootiya railway stations me se bhi. Yun to yaha din bhar kaafi bhid rehti hai lekin raat hote hi log yaha se aise gayab hote hai jaise gadhe ke sir se sing. Local logo ke anusaar yaha par ek ladki ki aatma bhatakti hai jiski maut yahi metro station ke pass ek accident me ho gayi thi.

Gurgaon - Bharat Ke 8 Sabse Bhootiya Railway Stations - Top 8 Most Haunted Railway Stations in India in Hindi

Waha ke local tatha kai anya logo ne us ladki ke dekhne ka daawa kiya hai. Waha ke logo ki maane to ye ladki raat bhar metro station ke compound me ghumti hai aur waha aane waale logo ko daraati hai. Uske daraane ke tarika ekdam alag hai. Ye metro train ke shishe me apne aankh aur jibh ko nikaalkar logo ko daraati hai. Gurugram ya Gurgaon ka MG Road metro station top 8 most haunted railway stations in India in Hindi ke list me chauthe number par aata hai.

5. Begunkodor Railway Station, West Bengal

Begunkodor Bharat ke 8 sabse bhootiya railway stations me se shayad sabse purana hai. Ye railway station 1967 se band pada hua hai. Ye station itna darawna hai ki Bharat sarkar ne isko open karne ki koshish bhi nahi kari hai. Is railway station ke pass bahut saare bhuto ko kai baar dekhne ka daawa kiya gaya hai. Halanki is station ki apni hi ek kahaani hai.

Bharat Ke 8 Sabse Bhootiya Railway Stations - Top 8 Most Haunted Railway Stations in India in Hindi

Kehte hai ki 1967 me ek railway staff ne rail track par white sarree me ek bhootni ko dekha. Fir kuch dino baad mysterious tarike se uski maut ho gayi. Uske baad ye kahaani dhire dhire logo me failne lagi aur koi bhi waha jaane se katraata tha. Ye khabar itni daraawani thi ki railway ka koi bhi staff waha kaam karne ko taiyar nahi tha. Jisko waha se government ne is railway station ko permanently band kar diya. Begunkodor railway station top 8 most haunted railway stations in India in Hindi ke scary list me fifth number par aata hai.

6. Barog Railway Station, Shimla

Shimla ke Barog railway station ko Bharat ke 8 sabse bhootiya railway stations list me 6th place mila hai. Yun to Shimla me ghumne-firne waalo ki line lagi rehti hai lekin is railway station ke pass raat me koi bhi nahi jaata. Ye station Barog tunnel ya surang ke pass maujood hai jiske bhootiya hone ka daawa kiya jaata hai. Iske pichhe ek kahaani hai jo mai aapko aage bataunga.

Bharat Ke 8 Sabse Bhootiya Railway Stations - Top 8 Most Haunted Railway Stations in India in Hindi

Kehte hai British kaal me Barog name ka ek engineer tha jise ye tunnel banaane ka kaam mila tha lekin ye kaam diye gaye waqt me poora nahi ho paaya. Jiski wajah se senior officers ne Barog ko logo ke saamne apmaanit kiya. Jiski wajah se Barog ne ek din aatm-hatya kar li. Logo ke anusaar Barog ki lash ko isi tunnel ke bahar dafna diya gaya tha aur tabse Barog ki aatma yaha bhatak rahi hai. Barog Railway station top 8 most haunted railway stations in India in Hindi ke list me 6th sthaan par aata hai.

7. Naini Railway Station, Uttar Pradesh

Bharat ke 8 sabse bhootiya railway stations me Naini railway station ka name bhi shaamil hai. Yun to Naini station kaafi chhota hai lekin yaha bahut saare bhooto ka basera hai. Logo ke anusaar ye bhut un logo ka hai jinki maut yaha ke pass waali jail me aazaadi ke ladaai ke dauraan ho gayi thi. Kehte hai ki ye sabhi aatmaaye logo ko khub daraati hai aur raat me station par kisi ko rehne nahi deti.

Bharat Ke 8 Sabse Bhootiya Railway Stations - Top 8 Most Haunted Railway Stations in India in Hindi

Naini station ki kahaani ye kehti hai ki aazaadi ke ladaai ke dauraan British soldiers ne bahut saare freedom fighter ko jail me band kar diya tha aur unko khaana-paani nahi dete the. Jiski wajah se un sabhi freedom fighters ne tadap-tadap ke apni jaan de di. Aur tab se lekar aaj tak unki aatma ko shanti nahi mili hai. Naini station top 8 most haunted railway stations in India in Hindi waale list me 7th position par hai.

8. Chittoor Railway Station, Andhra Pradesh

Chittoor station Bharat ke 8 sabse bhootiya railway stations me aakhiri number par aata hai. Doosre bhootiya railway stations ke mukaable yaha ki kahaani kaafi alag hai aur isme jo bhut hai, wo logo ko daraata nahi balki insaaf maangta hai. Kehte hai ye aatma CRPF Officer Hari Singh ki hai jo logo se insaaf ki guhaar lagaate rehte hai. Chaliye aapko unki kahaani bataate hai.

Bharat Ke 8 Sabse Bhootiya Railway Stations - Top 8 Most Haunted Railway Stations in India in Hindi

Hua yun ki Hari Singh Kerala Express me duty par the tabhi kuch gundo se unki ladaai ho gayi. Fir un gundo ne Hari Singh ko buri tarah peeta aur behad hi jakhmi halat me unko Chittoor railway railway station par chalti hui train se niche fenk diya. Jiske baad unhe hospital me admit kiya gaya jaha 10 din tak maut se ladne ke baad akhir me unki maut ho gayi. Aur tab se lekar aaj tak wo logo se insaaf maang rahe hai. Chittoor humare top 8 most haunted railway stations in India in Hindi ki list me 8th number par aata hai.

To dosto aaj ke liye itna hi. Kaisa laga aapko ye article? Comment section me jarur bataiyega. Aur agar aapko Bharat ke 8 sabse bhootiya railway stations ki jankaari achhi lagi ho to apne dosto ke sath share jarur kijiyega. Agar aapko LifeStyle News padhna pasand hai to aap humare Celeb NewsFashion TipsBeauty TipsFood TipsHealth Tips, aur Love & Life section ke post padh sakte hai. Humne ek Romanian channel bhi launch kiya hai – Adnana Alexe. Humare social media channels ko bhi follow kar ke aap up-to-date reh sakte hai.

Content Protection by DMCA.com

Comments

0 comments

Leave A Reply

Your email address will not be published.