10 Badi Movies Jo Kar Rahi Hai 2019 Mein Aapka Wait

10 Big Bollywood Movies Everyone is Waiting for!

Bollywood aur Hindi-cinema jahan ageless hai, wahin Hindi movies dekhne waale darshak badalte ja rahe hain. Kabhi Rajesh Khanna ko first superstar kehne waali audience aayi to kabhi Bachchan ko ‘angry-young man’ maane waali janta. Ek se badh kar ek kirdaar bade-parde par aaye, aur apna hunhar dikha ke jaate rahe.

Shah Rukh Khan ki Badshah se le kar Aamir Khan ki Lagaan aur Salman ka ‘O-O Jaanejaana’ waala shirtless number, sab peeche chala gaya, time ki maar ke baad jo bacha, vo aap ne 2018 mei dekha. Thugs of Hindostan, Race 3, aur Zero jaisi movies flop hone ke baad, ab kuch aisi daring movies 2019 mei aaengi, jinka aap ko zoro se intezaar rahega.

Aaiye dekhte hai 10 Big Bollywood Movies jo 2019 me ho sakti hai blockbuster.

1. URI: THE SURGICAL STRIKE

Umeed hai aap sab ye movie dekh chuke honge, aur dekh li hai, to josh bhi high hoga? Ye behetareen movie, Vicky Kaushal starrer hai, aur isme Indian army ki kamyaabi ka namoona diya gaya hai. 2019 ki shuruwaat hi aisi dhamakedaar hai, dekhte hai aage aur kya kya hai. (Approx rating 4/5). It stands at #1 in the list of 10 Big Bollywood Movies.

2. GULLY BOY

Bollywood ke livewire Ranveer, aur heartthrob Alia, Divine ko tribute denge, Gully Boy ke through. 14th February ko release hone waali ye movie, apne alag andaz ke liye audience ko lubha sakti hai. (Approx rating 3.5/5). It stands at #2 in the list of 10 Big Bollywood Movies.

3. EK LADKI KO DEKHA TO AISA LAGA

Nahi, hum gaana nahi ga rahe, ye movie ka title hai. Jahan isse Sonam aur Rajkumar Rao ki love-story ki tarah dekha ja raha tha, Sonam ne isme ek ‘Lesbian’ role kar ke saaf kar diya ki ye film vo nahi jo aap samajh rahe hain. Anil Kapoor bhi isme aapko dikhaai denge! (Approx rating 3/5). It stands at #3 in the list of 10 Big Bollywood Movies.

4. MANIKARNIKA: QUEEN OF JHANSI

Kangana Ranaut starrer, Manikarnika, Kangana ki tarah vivaado ka hissa rahi. Kabhi Karni-sena se jhadap to kabhi director se, ye movie bade parde par aa gayi, ab aap hi dekhiye kya isse aap Jhansi-ki-Rani ko jod paenge ya nahi. (Approx rating 3.5/5). It stands at #4 in the list of 10 Big Bollywood Movies.

5. BHARAT

Bhai ki Bharat, yaani Salman Khan starrer movie, aur logon ko wait na ho, aisa to ho hi nahi sakta! Ali-Abbas Zafar + Salman ye formula thoda feeka raha hai, par Katrina + Salman wala formula lekar chale, to Bharat ka kaafi zor-shor se wait kiya jaega. An Ode to My Father se li gayi movie, Bharat, humaare desh ki journey ke baare mei hai. (Approx rating 3/5). It stands at #5 in the list of 10 Big Bollywood Movies.

6. BRAHMASTRA

Jaisa naam, vaisi hype, Brahmastra, Ayan Mukherji ki agli movie hone waali hai, aur isme Alia-Ranbir-Amitabh Bachchan ka trio nazar aaega. Asal zindagi ki ek asli story par aadharit movie, Christmas 2019 mein cinemas mei aaegi. Abhi film ka koi teaser ya trailer release nahi hua hai, par sab ko kaafi umeede hain. (Approx rating 4/5). It stands at #6 in the list of 10 Big Bollywood Movies.

7. KESARI

Jahan Khans peeche nahi, wahan Khiladi-Akki duur kahan. Superstar Akshay Kumar aur Parineeti Chopra starrer Kesari, Sarigarhi ke Yuddh pe aadharit hai aur isme Akshay, Havildar Ishwar Singh, ka role ada karenge. Ishwar Singh ne British India fauj mei 21 Sikh ko aage badhaaya aur aitihaasik jeet darj karvaayi. (Approx rating 4/5). It stands at #7 in the list of 10 Big Bollywood Movies.

8. KALANK

Madhuri Dixit, Sanjay Dutt, Alia Bhatt, Sonakshi Sinha, Aditya Roy Kapur, aur Varun Dhawan – ek movie se aapko aur kitne stars chahiye – ye movie utne aapko degi. 1940 aur partition ki baat karti ye movie, Karan Johar, ke liye kuch hat-kar hai aur sabko isse kaafi umeede hongi. It stands at #8 in the list of 10 Big Bollywood Movies. It stands at #8 in the list of 10 Big Bollywood Movies.

9. MENTAL HAI KYA?

2014 mei Queen ke baad, ab phir se Kangana Ranaut aur Rajkumar Rao ek sath dikhaai denge. Individuality aur Madness jaise genre ko darshaate hue, ye dono fir se vo kar dikha sakte hai jo inhone 2014 mei kar ke dikhaaya. Off-beat cinema ke liye sabse sehej sitaare, kya ye dono iss film ko paar laga paaenge? Dekhiye 2019, mei. It stands at #9 in the list of 10 Big Bollywood Movies.

10. SUPER 30

Patna ke Anand Kumar, jinhone Super-30 Batch start kia IIT-umeedwaaro ke liye, uss par bani ye movie Hrithik Roshan starrer hogi. Ek biopic hone ke kaaran, Hrithik ke saamne kaafi chunotiyaan hongi par dekhte hai wo khade-utar paate hai ya nahi. It stands at #10 in the list of 10 Big Bollywood Movies.

Other Mentions: Thackeray (starring Nawazuddin Siddiqui), Taanaji-The Unsung Warrior (starring Ajay Devgn), Mission Mangal (starring Akshay Kumar, Vidya Balan, Sharman Joshi), and Panipat (directed by Ashutosh Gowariker).